Сали ја презеде функцијата министер за здравство од Филипче
- Му посакувам успех и среќа во извршувањето на функцијата. Верувам дека ќе одговори на предизвиците кои ги наметна ковид пандемијата, но и на останатите сегменти од здравството. Верувам дека и
![Сали ја презеде функцијата министер за здравство од Филипче](https://mia.mk/index.php/images/20221112030555_big_730x400_98.webp )
Скопје, 17 јануари 2022 (МИА) - Беким Сали денеска од Венко Филипче ја презеде функцијата министер за здравство.
- Му посакувам успех и среќа во извршувањето на функцијата. Верувам дека ќе одговори на предизвиците кои ги наметна ковид пандемијата, но и на останатите сегменти од здравството. Верувам дека и во негов фокус ќе бидат грижата за пациентите, здравствените работници и транспарентноста кон медиумите, напиша Филипче на својот фејсбук профил.
Сали, кој е доктор по стоматологија, од 2009 до 2010 година ја извршуваше функцијата шеф на Кабинетот на тогашниот министер за здравство и беше претседател на Управниот одбор на Фондот за здравствено осигурување.
На локалните избори во 2021 година тој беше кандидат за градоначалник на Општина Чаир од редовите на Алтернатива. рп/
![Беким Сали и Филипче](/articles/images/%d1%81%d0%b0%d0%bb%d0%b8-%d1%98%d0%b0-%d0%bf%d1%80%d0%b5%d0%b7%d0%b5%d/hGXsc7lO9/placeholder.webp?use_watermark=0)