САД „енергично“ ја осудуваат „антисемитската“ толпа во руски Дагестан
- САД ги осудуваат „антисемитските протести“ што го потресоа аеродромот во Дагестан, откако се проширија гласини дека таму слетал авион од Израел, изјави портпаролката на Советот за национална безбедност на Белата куќа.
![САД „енергично“ ја осудуваат „антисемитската“ толпа во руски Дагестан](https://mia.mk/index.php/images/20231030074109_big_730x400_10.webp )
Вашингтон, 30 октомври 2023 (МИА) - САД ги осудуваат „антисемитските протести“ што го потресоа аеродромот во Дагестан, откако се проширија гласини дека таму слетал авион од Израел, изјави портпаролката на Советот за национална безбедност на Белата куќа.
„САД недвосмислено стојат со целата еврејска заедница додека сме сведоци на светски пораст на антисемитизмот. Никогаш нема никакво оправдување за антисемитизмот“, напиша таа на X (Твитер) за синоќешниот обид за напад на евентуални израелски граѓани.
BREAKING:
— Visegrád 24 (@visegrad24) October 29, 2023
The lynch mob which stormed the airport in Dagestan, Russia to search for Jews as a plane was landing from Tel Aviv has found its first “suspected Jew”
He tells them he is Uzbek, but they don’t believe him
“Take his passport, search his phone” pic.twitter.com/9gKteyKFz0
Шеесет лица се уапсени откако толпа упадна на аеродромот во главниот град на руската кавкаска република Дагестан, Махачкала барајќи Евреи и извикувајќи антисемиски пароли.
Антисемитска толпа синоќа упадна на аеродромот во Махачкала, откако таму слета авион од Тел Авив. Според медиумите, оние кои упаднале на аеродромот извикувале антисемитски слогани и вееле палестински знамиња. ссм/