Вашингтон, 22 септември 2023 (МИА) - САД обезбедуваат повеќе од 116 милиони долари дополнителна хуминатарна помош за ранливото население на Бурма, Бангладеш и регионот, вклучувајќи повеќе од 74 милиони долари помош за бегалците Рохинџа и заедниците каде тие престојуваат, соопшти синоќа државниот секретар Ентони Блинкен. 

Од 2017 година, повеќе од 740,000 Рохинџа побегнаа во Бангладеш од геноцидот, злосторствата против човештвото и етничкото чистење во државата Ракајн во Мјанмар, позната по старото име Бурма. 

-Со оваа нова помош, вкупната поддршка на САД за кризното подрачје на Бурма, Бангладеш и регионот од 2017 година досега изнесува 2.2 милијарди долари, изјави Блинкен.  

Помошта се состои и од вода за пиење, медицинска заштита, образование, засолниште и психолошка подршка. 

Од Стејт департметот истакнуваат дека финансиската помош е животно важна за речиси еден милион Рохинџа бегалци во Бангладеш „од кои многмина преживеале кампањи на геноцид, злосторства против човештвото и етничко чистење“. 

-Помошта е и за 540,000 членови на заедниците во Бангладеш кои широкградо ги примија кај себе бегалците. 

САД ја пофалија широкоградоста на владата и народот на Бангладеш и останатите земји кои им дадоа прибежиште на Рохинџа и ги повикаа останатите донатори да се приклучат кон хуманитарниот одговор во Бангладеш со подршка за настраданите од насилствата во Бурма а за решавање на бегалската криза во регионот. кб/ ссм/