Сабаленка прва финалистка на Австралија опен
- Белоруската тенисерка Арина Сабаленка претпладнево ја победи Американката Кори Гауф во два сета во полуфиналниот меч на Австралија опен.
![Сабаленка прва финалистка на Австралија опен](https://mia.mk/index.php/images/20240125114229_big_730x400_24.webp )
Мелбурн, 25 јануари 2024 (МИА) - Белоруската тенисерка Арина Сабаленка претпладнево ја победи Американката Кори Гауф во два сета во полуфиналниот меч на Австралија опен.
Во меч што траеше еден час и 44 минути, Сабаленка славеше победа со 2:0, по сетови 7:6 (7:2) и 6:4.
Белорусинката е актуелен победник на Грен слемот во Мелбурн.
Во финалето Сабаленка ќе игра со победничката од двојката Дајана Јастремскаја (Украина) - Женг Чинвен (Кина).
Вкупен награден фонд на Австралија опен изнесува 58,9 милиони долари. зс/
Фото: ЕПА