Реакција на ВМРО-ДПМНЕ на интервјуто на Стево Пендаровски на Телма
- Добро е што Пендаровски призна дека уставни измени не се можни, а добро е и да и сугерира на власта да излезе на избори. Со признанието на Пендаровски стана јасно дека СДС и ДУИ се свесни дека уставни измени нема да има, и дека ја замајуваат јавноста само за да нема избори.
![Реакција на ВМРО-ДПМНЕ на интервјуто на Стево Пендаровски на Телма](https://mia.mk/index.php/images/20240213105501_big_730x400_4.webp )
12 октомври 2023
Добро е што Пендаровски призна дека уставни измени не се можни, а добро е и да и сугерира на власта да излезе на избори.
Со признанието на Пендаровски стана јасно дека СДС и ДУИ се свесни дека уставни измени нема да има, и дека ја замајуваат јавноста само за да нема избори.
Пендаровски призна и дека власта освен за промена на устав, друго и не работела.
Во однос на кривичниот законик Пендаровски уште еднаш покажа дека морал да потпише тоа што му кажале Ковачевски и Ахмети, па како и се до сега Пендаровски има свој став, се додека поинаку не му наложат Ковачевски и Ахмети.
Жално е да се гледа Пендаровски кој всушност е носител на позицијата Претседател на Македонија, како талка во ставовите. Очигледно е дека одамна ниту на Водно, ниту на Илинденска нема капетан на бродот.
Центар за комуникации на ВМРО-ДПМНЕ
__________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.