Промоција на истражувачка студија за функционалноста на системот за управување со кризи
Скопје, 15 јули 2022 (МИА) - Факултетот за безбедност - Скопје денеска ќе ја промовира истражувачката студија „Анализа на кризната состојба и справувањето во Република Северна Македонија низ призма на функционалноста на системот за управување со кризи и заштита и спасување“.
Како што информираат од канцеларијата на Деканот на Факултетот за безбедност, од 11 часот во просториите на факултетот свои обраќања ќе имаат министерот за внатрешни работи Оливер Спасовски, директор на Дирекција за заштита и спасување, Беким Максути, деканот на Факултетот за безбедност - Скопје, професор д-р Никола Дујовски, како и професори и автори на студијата. ар/сп/
