Променливо облачно и нестабилно, на повеќе места со пороен дожд и грмежи
![Променливо облачно и нестабилно, на повеќе места со пороен дожд и грмежи](https://mia.mk/index.php/images/20230731121829_big_730x400_78.webp )
Скопје, 21 август 2021 (МИА) - Времето ќе биде променливо облачно и нестабилно, на повеќе места со пороен дожд и грмежи, локално во форма на невреме со засилен ветер и појава на град. Минималната температура ќе биде во интервал од 13 до 21, а максималната ќе достигне од 26 до 32 степена. УВ=7
Во Скопје, променливо облачно и нестабилно со повремен пороен дожд, грмежи и засилен ветер, особено до пладневните часови. Минималната температура ќе се спушти до 19, а максималната ќе достигне до 31 степен.
Од недела до вторник времето ќе биде стабилно со постепен пораст на дневната температура. Во среда повторно ќе има појава на локален пороен дожд и грмежи.