При напад на село во Буркина Фасо убиени сто цивили и запалени нивните домови
- Вооружени лица убија 100 цивили во напад врз село во северниот дел на Буркина Фасо, соопшти владата на таа африканска земја.
![При напад на село во Буркина Фасо убиени сто цивили и запалени нивните домови](https://mia.mk/index.php/images/20221107121717_big_730x400_80.webp )
Буркина Фасо, 5 јуни 2021 (МИА) - Вооружени лица убија 100 цивили во напад врз село во северниот дел на Буркина Фасо, соопшти владата на таа африканска земја.
„Напаѓачите го извршиле нападот синоќа и ги убиле жителите на селото Солхан, а нивните домови ги запалиле“, се додава во соопштението.
Владата ги означи напаѓачите како терористи.
Други детали сè уште не се објавени. паг/