Се слави Денот на шегата, се бираат најдобрите маски
- Суперхерои, принцези, мали вештерки, мумии, бубамари, пчелки може да се сретнат денеска низ скопските улици, се слави 1 април - Денот на шегата. Најмладите маскирани со своите родители и наставници итаат на забавите што се приредуваат низ скопските општини.
![Се слави Денот на шегата, се бираат најдобрите маски](https://mia.mk/index.php/images/20240401121359_big_730x400_90.webp )
Скопје, 1 април 2024 (МИА) - Суперхерои, принцези, мали вештерки, мумии, бубамари, пчелки може да се сретнат денеска низ скопските улици, се слави 1 април - Денот на шегата. Најмладите маскирани со своите родители и наставници итаат на забавите што се приредуваат низ скопските општини.
Натпревари за најдобра маска се одржуваат во главниот град на државава, а за најуникатните маски, предвидени се награди. Во општина Кисела Вода, за најмладите има и бесплатен рингишпил денеска, а забава приредуваат „Поточиња“.
Покрај деца, може да се видат маскирани и родители, баби, дедовци, граѓани од сите возрасти. бд/бак/
Фото: МИА