Почина Радмила Ставриќ - Хрисохо, специјалист по биохемија
- Во родниот град Скопје, на 93-годишна возраст, почина д-р Радмила Ставриќ-Хрисохо, специјалист по медицинска биохемија и основач на лабораторијата при Интерната клиника на Универзитетскиот Клинички центар.
![Почина Радмила Ставриќ - Хрисохо, специјалист по биохемија](https://mia.mk/index.php/images/20230223150818_big_730x400_48.webp )
Скопје, 23 февруари 2023 (МИА) - Во родниот град Скопје, на 93-годишна возраст, почина д-р Радмила Ставриќ-Хрисохо, специјалист по медицинска биохемија и основач на лабораторијата при Интерната клиника на Универзитетскиот Клинички центар.
Своите знаење од медицината ги усовршувала во Загреб, Белград, во Англија, Австрија и Данска. Ставриќ-Хрисохо е основач на Лабораторијата при Интерната клиника во Скопје, била директорка на Институтот за клиничка биохемија од неговото основање во 1975 година. Раководела со многу истражувачки проекти и објавила над 80 трудови. Држела настава на Катедрата по биохемија на Медицинскиот факултет во Скопје како редовен професор (почнувајќи од 1986 година).
Ставриќ-Хрисохо била избрана за прв претседател на Здружението на медицинските биохемичари на Македонија во 1990 година.
На 7 април 2020 година, по повод Светскиот ден на здравјето, Македонското лекарско друштво и ја додели повелбата „Трифун Пановски“. вг/са/
Фото: приватна архива