Најмалку десет загинати во несреќа во Перу, автобус излетал од патот и се превртел
- Најмалку 10 лица загинаа кога патнички автобус излетал од патот и се превртел во областа Пуно во јужниот дел на Перу, јавија локалните медиуми.
![Најмалку десет загинати во несреќа во Перу, автобус излетал од патот и се превртел](https://mia.mk/index.php/images/20240507092649_big_730x400_88.webp )
Лима, 7 мај 2024 (МИА) - Најмалку 10 лица загинаа кога патнички автобус излетал од патот и се превртел во областа Пуно во јужниот дел на Перу, јавија локалните медиуми.
Меѓуградскиот автобус сообраќал на релација Пуно-Куско кога се случила несреќата, јави државната новинска агенција Андина.
Во автобусот имало 24 патници, а меѓу жртвите има и шестмесечно бебе, соопшти полицијата.
Државната телевизија објави дека повредените, од кои некои со сериозни повреди, биле пренесени во блиските болници.
Причината за несреќата ќе биде позната по истрагата. паг/
Фото: МИА архива