Скопје, 30 март 2026 (МИА) - „Кон творештвото на Васил Тоциновски“ е насловот на книгата на Васил Дрвошанов објавена по повод 80 години од раѓањето на Тоциновски. Содржи четиринаесет опсежни прилози, поделени во три поглавја: Поетски интерпретации, Книжевни толкувања и Јазични анализи.

- Во нив се анализира мал дел од богатиот опус на Тоциновски. Предмет на опсервација се книги поезија, роман, збирка раскази, книжевноисториски студии, книжевни есеи, коментари и рецензии, пишувани на македонски или на хрватски јазик. Во овој труд Дрвошанов ја толкува стожерната творечка тежест, ги доосветлува и ги приближува разгледуваните дела до научната и до уметничката јавност за потемелно запознавање со нив, создавани во творечката работилница на реномираниот творец и зналец Тоциновски, кој го гради македонскиот континуитет и го дополнува македонското книжевно творештво со новооткриени дела, автори, културни настани и сл. заокружувајќи ја нашата сознајба за нас и за нашите книжевни, културни и општествени врски со европските и со другите народи, книжевности и култури во многувековното македонско достоинствено опстојување на овие простори-  се наведува во известувањето за новата книга.

Дрвошанов е автор на повеќе од четириесет книги од областа на македонската книжевност и на лингвистиката и со својата нова книга „продолжува да ги афирмира уметничките и научните вредности на врвните македонски книжевни творци и лингвисти. хс/вј/

Фото: корица на книга / принтскрин