Ново детско игралиште во дворот на ООУ „Јохан Хајнрих Песталоци“
- Општина Центар почна со реконструкција на детското игралиште во дворот на ООУ „Јохан Хајнрих Песталоци“. Од општината соопштуваат дека планирано е градежните активности да завршат до почетоко
![Ново детско игралиште во дворот на ООУ „Јохан Хајнрих Песталоци“](https://mia.mk/index.php/images/20221107234442_big_730x400_81.webp )
Скопје, 21 јули 2021 (МИА) - Општина Центар почна со реконструкција на детското игралиште во дворот на ООУ „Јохан Хајнрих Песталоци“. Од општината соопштуваат дека планирано е градежните активности да завршат до почетокот на учебната година.
Од прес-службата на Општина Центар информираат дека на површина од 170 квадратни метри ќе бидат поставени нови реквизити, нова гумирана подлога и заштитна ограда, а просторот од 50м2 ќе биде уреден со ниско зеленило и ќе биде поставена урбана опрема.
- Продолжуваме со изградбата на модерни и функционални детски игралишта во Центар, изведени според најсовремени стандарди за квалитет, безбедност и одржливост. Жителите во овој реон ќе добијат нова рекреативна зона, а новото катче ќе обезбеди квалитетна игра за децата и зголемена безбедност за време на нивниот престој, изјави градоначалникот на Општина Центар Саша Богдановиќ.
До крајот на 2021 година ќе бидат санирани и реконструирани детските игралишта на девет локации на територијата на Општина Центар, за што ќе бидат одвоени десет милиони денари од општинскиот буџет.фф/дма/
![Општина Центар](/articles/images/novo-detsko-igralishte-vo-dvorot-na-oou-ohan-ha-nrih-pestaloci/F7k1CR9zZ/placeholder.webp?use_watermark=0)