Наскоро пуштање во производство на новата фотонапонска електрана во Осломеј
- На терен се вршат последните подготовки пред пуштањето во процес на производство на новата 10-мегаватна фотонапонска електрана Осломеј, информира АД ЕСМ.
![Наскоро пуштање во производство на новата фотонапонска електрана во Осломеј](https://mia.mk/index.php/images/20221112154157_big_730x400_54.webp )
Скопје, 24 март 2022 (МИА) - На терен се вршат последните подготовки пред пуштањето во процес на производство на новата 10-мегаватна фотонапонска електрана Осломеј, информира АД ЕСМ.
Како што посочуваат оттаму, денеска увид во активностите извршија заменик-генералниот директор на АД ЕСМ, Имер Зенку и директорот за развој и инвестиции, Благој Гајдарџиски, кои на лице место беа информирани за завршните активности и за првичните податоци за перформансите на електраната.
-Електраната се наоѓа во пробен период и наскоро ќе биде вклучена во електроенергетскиот систем. Ова е прва сончева електрана во целосна државна сопственост, односно во сопственост на АД ЕСМ, велат од државната енергетска компанија.
Во моментов, додаваат, во тек е реализација на фотонапонска електрана од 100 мегавати по принципот на јавно-приватно партнерство, исто така на локации на исцрпениот рудник за јаглен во РЕК Осломеј.вј/лв/
![Осломеј](/articles/images/%d0%bd%d0%b0%d1%81%d0%ba%d0%be%d1%80%d0%be-%d0%bf%d1%83%d1%88%d1%82%d0/zyZpqJIBn/placeholder.webp?use_watermark=0)
![Осломеј фотоволтаична електрана](/articles/images/%d0%bd%d0%b0%d1%81%d0%ba%d0%be%d1%80%d0%be-%d0%bf%d1%83%d1%88%d1%82%d0/Vitg63w4g/placeholder.webp?use_watermark=0)