Надал ги пропушта турнирите во Барселона, Монте Карло и Мадрид
- Шпанскиот тенисер Рафаел Надал поради проблеми со грбот ќе отсуствува околу шест недели, пренесува денеска весникот Диарио Спорт.
![Надал ги пропушта турнирите во Барселона, Монте Карло и Мадрид](https://mia.mk/index.php/images/20240404144522_big_730x400_80.webp )
Мадрид, 4 април 2024 (МИА) – Шпанскиот тенисер Рафаел Надал поради проблеми со грбот ќе отсуствува околу шест недели, пренесува денеска весникот Диарио Спорт.
Според изворот, голема е веројатноста Надал да ги пропушти турнирите во Монте Карло, Барселона и Мадрид.
Оваа сезона, 37-годишниот Шпанец настапи на турнирот во Бризбејн, каде во четвртфиналето загуби одавстралискиот тенисер Џордан Томпсон.
Надал притоа го повреди колкот поради што го пропушти Австралија Опен и се повлече од турнирите во Доха и Индијан Велс. ег ФОТО: Фејсбук