Скопје, 12 април 2025 (МИА) – Премиерот Христијан Мицкоски заедно со неговиот косовски колега Албин Курти, денеска ќе го посети Граничниот премин Блаце, соопштија од владината прес-служба. 

Како што се наведува во соопштението, денешната посета е по повод отпочнувањето со работа на заедничкиот граничен премин со Косово, Долно Блаце – Елез Хан, како дел од проектот „One Stop Shop“.

– Претседателот на Владата на Република Северна Македонија Христијан Мицкоски заедно со претседателот на Владата на Република Косово Албин Курти ќе присуствува на проектот заедничката гранична контрола „One Stop Shop“ на заеднички граничен премин Долно Блаце – Елез Хан. Предвидено е изјава за медиуми да даде премиерот Мицкоски, се наведува во владиното соопштение. ра/лв/

Фото: МИА архива