24 јануари 2025 

Скопје - Претседателот на Владата на Република Северна Македонија Христијан Мицкоски ќе изврши увид на градежни активности на патот Катланово-Градманци во Општина Петровец. (линк Катланово/12:15/ предвидено е изјава за медиуми да даде премиерот Мицкоски)

Скопје - Претседателката на Пратеничката група за соработка со Парламентот на Украина, Иванка Василевска ќе одржи средба со амбасадорката на Украина, Лариса Дир. (Канцеларија бр.214/10:00)

Скопје - Министерството за односи меѓу заедниците организира настан на кој ќе присуствува амбасдорската на Р Србија во Скопје, Невена Јовановиќ и ученици од 1 до 5 одделение од ЦУ „Табановце“ со подрачните училишта од с. Четирце и с. Горно Коњаре по повод Св. Сава - националниот празник на српската заедница во РС Македонија. (Простории на Министерството/12:00)

Скопје - Панел дискусија и промоција на Прирачникот за справување со дезинформации на завршниот настан „Дезинформации: како да се препознаат и да се спречат“, со кој се заокружува Твининг проектот „Зајакнување на капацитетите на Агенцијата за аудио и аудиовизуелни медиумски услуги и на Јавниот радиодифузен сервис“ на кој воведни обраќања ќе имаат Холгер Албрих, проектен лидер Лазо Петрушевски претседател на Советот на Агенцијата за аудио и аудиовизуелни медиумски услуги, Драган Николовски, главен и одговорен уредник на првиот програмски сервис на Македонската радио телевизија; Михалис Рокас, амбасадор на ЕУ во Република Северна Македонија и Петра Дрекслер, амбасадорка на Сојузна Република Германија. (х.„Холидеј ин“/11:00) 

Скопје - Годишна регионална Конференција за активно граѓанство „КритикУМ“ во организација на Здружението за едукативен развој Еквалис. (Лабораториум /11:00, изјави за медиумите/10:45)

Скопје - Креативен активизам „Изгреби за здравје“ во рамки на проектот Унапредени права на девојките, жените и ранливите групи, поддржан од Цивика мобилитас во организација на Здружението Иницијатива за правата на жените од Шуто Оризари. (Плоштад Македонија/12:00)

Скопје - Промоција на книгата Бен Акиба: о нама со изложба на карикатури со ликот на Бранислав Нушиќ во авторство на карикатуристот Зоран Товирац - Тоцо. (Галерија „Метаноја“, ул.„Максим Горки“ бр. 19/18:00)

 Скопје - Претпремиерна изведба на претставата „Народен пратеник“ од Бранислав Нушиќ, а во адаптација и режија на Егон Савин. (НУ Македонски народен театар/20:00)

Скопје - Концерт насловен „Џез-лектира: Quintessence by Quincy Jones!” на Националниот џез-оркестар. (Македонска филхармонија/20:00)

_______________________________________________________________________________________________

***МИА ги објавува местото и времето на одржување на настаните и притоа не презема обврска за реизвестување доколку дојде до промена на најавените термини***