Мециновиќ: Подаваме рака до ДПМНЕ заедно да не ги потпишеме уставните измени
- СООПШТЕНИЕ - Левица ја следи желбата на граѓаните, а таа желба е невнесувањето на Бугарите во Уставот.
![Мециновиќ: Подаваме рака до ДПМНЕ заедно да не ги потпишеме уставните измени](https://mia.mk/index.php/images/20240429113927_big_730x400_11.webp )
Скопје, 29 април 2024
Според Носителот на ИЕ2, Амар Мециновиќ, Левица ја поддржа независната кандидатка со тоа што за првпат како партија влегоа во ринг за Претседателските избори, но поентата на Левица се Парламентарните избори.
,,Граѓаните знаат дека во Собранието Левица беше еден неверојатен непријател на водењето на СДС и ДУИ како во примерите против спикерот Џафери, така и против сите процеси. Ние дадовме поддршка за формирање на ново мнозинство кога требаше да се турне Заев и да се изгуби неговиот легитимитет и во тоа успеавме", вели Мециновиќ.
Левица ја следи желбата на граѓаните, а таа желба е невнесувањето на Бугарите во Уставот.
,,На Мицкоски му честитаа Таравари и Касами за резултатите од првиот круг и порачаа дека заедно ќе ги донесат уставните измени. Еве ние честитаме и повикуваме да НЕ ги донесеме уставните измени - затоа што тоа е волјата на народот. Ние во претходниот мандат бевме најголеми непријатели на владеењето на СДС и ДУИ, како преку примерите со спикерот Џафери, така и со формирањето на новото мнозинство за да се турне Заев. А сега да се фокусираме на проблемите на граѓаните за кои нашата програма има најдобри решенија”, порача носителот на ИЕ2 Мециновиќ.
Левица продолжува да се фокусира на проблемите на граѓаните. Програмата на Левица ги таргетира проблемите на граѓаните и нуди конкретни решенија на најгорливите проблеми на ранливите целни групи, на работничката класа и на сите граѓани во Македонија.
Носителот на ИЕ2, Амар Мециновиќ
Левица
________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.