Мајами, 26 декември 2024 (МИА) - Поради гласините дека Џими Батлер би можел да ги напушти Мајами Хит, реакција дојде од тимот од Флорида, односно од Пет Рајли.

Легендарниот Рајли, претседател на кошаркарски операции на Хит, негира дека Хит се подготвени да го трејдуваат Батлер.

-Обично не коментираме гласини, но сите овие шпекулации станаа оттргнување на вниманието на тимот, што не е фер кон играчите и тренерите. Значи, да бидеме јасни - нема да тргуваме со Џими Батлер, напиша Рајли.

Хит оваа сезона има скор 14-13, а Батлер има просек од 18,5 поени, 5,8 скока и 4,9 асистенции. дс

Фото: Архива