Лацио сака да го доведе Алегри
- Како што стојат работите, Игор Тудор од следната сезона повеќе нема да биде тренер на фудбалерите на Лацио, а управата на клубот ја започна потрагата по неговиот наследник.
![Лацио сака да го доведе Алегри](https://mia.mk/index.php/images/20240605203053_big_730x400_16.webp )
Рим, 5 јуни 2024 (МИА) - Како што стојат работите, Игор Тудор од следната сезона повеќе нема да биде тренер на фудбалерите на Лацио, а управата на клубот ја започна потрагата по неговиот наследник.
„Газета дело Спорт“ пренесува дека раководството на клубот е заинтересирано да го доведе досегашниот шеф на стручниот штаб на Јувентус, Масимилијано Алегри.
Состојбата со Тудор треба да се дознае многу брзо, најдоцна во следните два дена, кога и официјално ќе биде објавено неговото заминување.
Италијанскиот весник понатаму наведува дека пишувањата за враќањето на Маурицио Сари во Лацио немаат основа, како и дека претседателот на клубот Клаудио Лотито повеќе би сакал да го види Алегри на позицијата шеф на стручниот штаб, но и дека во наредниот неколку дена сите негови постапки ќе одат во таа насока.
Доколку не успее да се договори со него, ќе се сврти кон преговори со Мирослав Клосе и Марко Баркони. дс
Фото: Архива