Ковачевски - Савада: Заинтересираност од Јапонија за инвестиции и силна поддршка за евроинтеграциите и обединета Европа
- Премиерот Димитар Ковачевски се сретна со Хиронори Савада, амбасадор на Јапонија во земјава, со кој ги потврдија традиционално добрите и пријателски односи помеѓу двете држави и определеноста
![Ковачевски - Савада: Заинтересираност од Јапонија за инвестиции и силна поддршка за евроинтеграциите и обединета Европа](https://mia.mk/index.php/images/20221113135433_big_730x400_67.webp )
Скопје, 18 мај 2022 (МИА) - Премиерот Димитар Ковачевски се сретна со Хиронори Савада, амбасадор на Јапонија во земјава, со кој ги потврдија традиционално добрите и пријателски односи помеѓу двете држави и определеноста од двете страни за развој на соработката.
![thumbnail_18052022_PVRSM_sredba_JPNAmb (2)](/articles/images/%d0%ba%d0%be%d0%b2%d0%b0%d1%87%d0%b5%d0%b2%d1%81%d0%ba%d0%b8-%d1%81%d0/rOt5B3fBE/placeholder.webp?use_watermark=0)
-Посочено е дека предвидената скорешна посета на министерот за надворешни работи Бујар Османи на Јапонија е потврда за блиската билатерална соработка меѓу државите. Заеднички е оценето дека постојат потенцијали за унапредување на економската соработка. Во таа насока, пренесена е заинтересираност од јапонски компании за инвестирање во земјава, се вели во соопштението од владината прес-служба.
На средбата била истакната и силна поддршка од Јапонија за напредокот на нашата држава во европските интеграции, бидејќи, како што е оценето, од важност за сите, и за Северна Македонија, но и за Европската Унија и за светот е обединета Европа, со интегриран Западен Балкан во Унијата.
![thumbnail_18052022_PVRSM_sredba_JPNAmb (1)](/articles/images/%d0%ba%d0%be%d0%b2%d0%b0%d1%87%d0%b5%d0%b2%d1%81%d0%ba%d0%b8-%d1%81%d0/WbpFWKpp8/placeholder.webp?use_watermark=0)
Исто така, заеднички била констатирана важноста на политичката стабилност во државава, со цел задржување на економската и на социјалната стабилност, во полза на граѓаните.
Премиерот Ковачевски се заблагодарил за искреното пријателство со Јапонија и за значајната поддршка што ја добива земјава од Јапонија, како еден од најголемите билатерални донатори. Тој ја поздравил Иницијативата на Јапонија за соработка со Западен Балкан од 2018 година и упати покана до компаниите во Јапонија за посета на државава.
-Економијата е стабилна и денарот е стабилен. Носиме одлуки за доброто на граѓаните и нема да дозволиме какви било несериозни притисоци за политички интереси да наштетат. За таа цел ја развиваме и регионалната соработка преку иницијативата Отворен Балкан. Во однос на отворањето преговори, Република Северна Македонија го прави потребното, работиме напорно за напредок на државата и поставени сме принципиелно во развојот на добрососедските односи, рекол премиерот Ковачевски на средбата со јапонскиот амбасадор Савада. сст/дма/