Интер без Меси го претрпе највисокиот пораз во клупската историја
- Ослабен без услугите на Лионел Меси, кој настапува со Аргентина на Копа Америка, неговиот клуб Интер Мајами го претрпе синоќа највисокиот пораз и првпат прими шест голови во кратката клупска историја.
![Интер без Меси го претрпе највисокиот пораз во клупската историја](https://mia.mk/index.php/images/20240707102337_big_730x400_77.webp )
Мајами, 7 јули 2024 (МИА) – Ослабен без услугите на Лионел Меси, кој настапува со Аргентина на Копа Америка, неговиот клуб Интер Мајами го претрпе синоќа највисокиот пораз и првпат прими шест голови во кратката клупска историја.
Во дерби натпреварот во американската МЛС лига, Интер Мајами загуби од Синсинати со 6-1.
Јапонецот Јуја Кубо постигна два гола (10, 57), а одличен настап имаше и Аргентинецот Лучијано Акоста кој постигна гол (36) со две асистенции.
Стрелци за Синсинати беа и Павел Буча (38), Јамил Асад (45+4) и Хералдо Валензуела (72).
Голот за Интер го постигна Сергеј Кривцов (21).
Највисокиот пораз на Интер Мајами досега беше 0-5 против Њу Ингланд во јули 2021 година (5-0). ег ФОТО: Фејсбук