Индискиот премиер Моди ја започнува дводневната посета на Сингапур
- Индискиот премиер Нарендра Моди денеска ќе се сретне со сингапурскиот премиер Лоренс Вонг, соопшти владата на Сингапур.
![Индискиот премиер Моди ја започнува дводневната посета на Сингапур](https://mia.mk/index.php/images/20240904105850_big_730x400_41.webp )
Сингапур, 4 септември 2024 (МИА) - Индискиот премиер Нарендра Моди денеска ќе се сретне со сингапурскиот премиер Лоренс Вонг, соопшти владата на Сингапур.
Дводневната посета на Моди на Сингапур започнува денеска.
Индискиот лидер ќе се сретне и со претседателот на Сингапур Тарман Шанмугаратнам и со поранешните премиери Ли Хсиен Лунг и Го Чок Тонг за време на неговата посета, која ќе биде петта за Моди на Сингапур.
Индискиот премиер ќе се сретне и со сингапурски бизнис лидери и претставници на индустријата за полупроводници.
Заедно со Моди во Сингапур ќе бидат и претставници на индиската влада, меѓу кои и министерот за надворешни работи и советникот за национална безбедност. паг/
Фото: ЕПА