ЕУ згрозена од уривањето на училиштето финансирано од ЕУ и Франција од страна на Израел во северниот дел на Западниот Брег
Брисел, 19 август 2025 (МИА) - Европската Унија е згрозена од уривањето на училиштето финансирано од ЕУ и од Франција од страна на Израел, кое е во изградба во селото Акаба, во северниот дел на Западниот Брег, изјави денеска портпарол на ЕУ.
Училиштето ќе им служи на стотици палестински ученици од различни заедници, рече портпаролот.
-ЕУ очекува нејзините инвестиции во поддршка на палестинскиот народ да бидат заштитени од штети и уривање од страна на Израел, во согласност со меѓународното право, се вели во соопштението.
Франција, исто така, го осуди уривањето на училиштето и „ги повика израелските власти да преземат одговорност за овој чин“. мс/
фото: ЕПА
