Портланд, 10 февруари 2021 (МИА) – Кошаркарот на Портланд, Кармело Ентони го надмина легендарниот Оскар Робертсон и го зазеде 12. место во историјата на НБА-лигата според постигнати поени во кариерата. Во победата на Портланд над Орландо извојувана ноќеска на домашен терен, 36-годишниот Ентони постигна 23 поени. Ова е неговиот најдобар резултат во тековната сезона. Ентони стигна до 26.715, додека Оскар во својата кариера успеа да реализира 26710 поени. Најблиску до Ентони на листата по ефикасност во НБА лигата е Хаким Олајџувон со 26.946 поени кој е рангиран на 11-то место. зс/