Дурант стана 12. играч во историјата на НБА со 27 илјади поени
- Кошаркарот на Феникс санс, Кевин Дурант надмина 27 илјади поени во кариерата.
![Дурант стана 12. играч во историјата на НБА со 27 илјади поени](https://mia.mk/index.php/images/20231101093216_big_730x400_22.webp )
Феникс, 1 ноември 2023 (МИА) – Кошаркарот на Феникс санс, Кевин Дурант надмина 27 илјади поени во кариерата.
Триесет и петгодишниот Американец постигна 26 поени ноќеска во поразот од Сан Антонио (114:115) во регуларниот дел од сезоната во НБА.
Дурант стана 12-тиот играч во историјата на најсилната кошаркарска лига на светот кој постигнал 27.000 поени во кариерата. Рекордер во НБА е членот на Лос Анџелес лејкерс, Леброн Џејмс. Тој има 38.740 поени.
Кевин Дурант игра за Феникс од февруари оваа година. Претходно играше за Бруклин, Голден Стејт и Оклахома. зс/
Фото: ЕПА