Две големи достигнувања на Карло Анчелоти на клупата на Реал
- Две големи достигнувања на славниот италијански тренер Карло Анчелоти на клупата на Реал Мадрид.
![Две големи достигнувања на Карло Анчелоти на клупата на Реал](https://mia.mk/index.php/images/20240316202546_big_730x400_44.webp )
Мадрид, 16 март 2024 (МИА) - Две големи достигнувања на славниот италијански тренер Карло Анчелоти на клупата на Реал Мадрид.
Натпреварот од 29. коло на шпанската Примера во Памплона меѓу Осасуна и Реал Мадрид (2:4) беше јубилејниот 900. за Карло Анчелоти при броењето на натпреварите во најсилните европски лиги.
Анчелоти против Осасуна ја забележа вкупно 541 победа, со 202 нерешени и 156 порази.
Овој 64-годишен италијански тренер прво беше тренер на Парма (68 натпревари) во елитната италијанска Серија А, потоа Јувентус (84), Милан (283), потоа Челси (76) во Англија, ПСЖ (57) во Франција, Баерн (40) во Германија, Наполи (53) повторно во Италија, Евертон (58) во Англија и на крајот Реал Мадрид (180) во шпанската Примера.
Исто така, вечерва стана вториот тренер во историјата на Реал Мадрид со 200 победи во сите натпреварувања (129 во Ла Лига, 43 во Лигата на шампионите, 18 во Купот на Кралот, 4 во шпанскиот Суперкуп, 4 во Светското клупско првенство и 2 во Суперкупот на Европа).
Прв е легендарниот Мигел Муњоз со 357 победи. дс
Фото: Твитер/Реал Мадрид