Атина, 11 март 2025 (МИА) – Очекуваме привремените власти да ги преземат сите неопходни мерки за да го запрат насилството, да ги заштитат сите цивили, да ги изведат пред лицето на правдата сторителите на злосторствата и да ги оправдаат очекувањата на сите Сиријци без дискриминација, соопштија од Министерството за надворешни работи на Грција во однос на ситуацијата во Сирија и паралелно ги осудија „злосторствата нанесени врз невини цивили, вклучително и Христијани и Алавити“, јави дописничката на МИА од Атина.

Од грчкото МНР во соопштението додадоа дека Грција е цврсто посветена на помагање на закрепнувањето и просперитетот на Сирија, како и изградбата на силни и репрезентативни институции, кои ќе ги интегрираат сите Сиријци“ и ќе обезбедат етничките и верските заедници „да бидат целосно вклучени во политичкиот процес и да можат да живеат без страв“.

- Грција внимателно ја следи ситуацијата во Сирија и ги поздравува чекорите кон деескалација и национално помирување, соопштија од Министерството за надворешни работи на Грција. ср/

Фото: Архива МИА