Годишен собир на „Википедијанци“ од Централна и Источна Европа во Охрид
- Во Охрид од денеска до недела ќе се одржи 11. годишен собир на „Википедијанци“ од Централна и Источна Европа - Wikimedia CEE Meeting 2022.
![Годишен собир на „Википедијанци“ од Централна и Источна Европа во Охрид](https://mia.mk/index.php/images/20221114003614_big_730x400_56.webp )
Охрид, 14 октомври 2022 (МИА) - Во Охрид од денеска до недела ќе се одржи 11. годишен собир на „Википедијанци“ од Централна и Источна Европа - Wikimedia CEE Meeting 2022.
Главен фокус на конференцијата се проектите на Викимедија (Википедија и слични проекти) во земјите и заедниците од Централна и Источна Европа, а ќе учествуваат над 120 „Википедијанци“ од повеќе држави.
Собирот се одржува под мотото „Повторно заедно“ и ќе започне со т.н. Learning day, каде ќе се дискутира за креативноста, влијанието на можните и присутни конфликти и стратегијата на работа на „Википедијанците“ од Европа.
Трите дена ќе бидат посветени на разните структури во пишувањето на статии и текстови, за збогатување на Википедијата на македонски јазик, како и за вклучувањето на што поголем број креатори на содржини што ќе ја зголеми присутноста на македонски јазик во целиот свет. са/нд/