Во Македонска Каменица во тек се активности за подобрување на безбедноста во сообраќајот
- Во Македонска Каменица во тек се активности за подобрување на безбедноста во сообраќајот. За таа цел се обновува хоризонталната сообраќајна сигнализација, а се градат и нови пешачки тротоари.
![Во Македонска Каменица во тек се активности за подобрување на безбедноста во сообраќајот](https://mia.mk/index.php/images/20240814102818_big_730x400_37.webp )
Македонска Каменица, 14 август 2024 (МИА) - Во Македонска Каменица во тек се активности за подобрување на безбедноста во сообраќајот. За таа цел се обновува хоризонталната сообраќајна сигнализација, а се градат и нови пешачки тротоари.
-Јавното претпријатие „Камена Река“ од Македонска Каменица ги започна редовните активности за обележување на хоризонтална сообраќајна сигнализација во градската средина на Македонска Каменица. Оваа акција опфаќа обновување и обележување на пешачки премини, паркинг места, стоп линии, стрелки за насочување, како и други видови на хоризонтална сигнализација, кои се од клучно значење за безбедноста на сите учесници во сообраќајот, информираа од Општината.
Во оваа општина во завршна фаза е изградбата на пешачки тротоар од бекатон плочки на улица „Осоговска“.
-Во рамки на тамошните активностите потоа ќе следува гребење на стариот асфалт и реконструкција на целата улица во должина од околу 500 метри, додадоа од Општината.
Напомена дека вакви и слични активности ќе се реализираат и во наредниот период, согласно потребите за зголемена безбедност на сообраќајниците во градот. вс/мд/
Фото: Градоначалник на Македонска Каменица Димчо Атанасовски