Во Кавадарци шест апартмани за лица и семејства во ризик
- Шест апартмани за лица и семејства во ризик доби Кавадарци, информираа денеска од кабинетот на градоначалникот Митко Јанчев.
![Во Кавадарци шест апартмани за лица и семејства во ризик](https://mia.mk/index.php/images/20231127142751_big_730x400_77.webp )
Кавадарци, 27 ноември 2023 (МИА) - Шест апартмани за лица и семејства во ризик доби Кавадарци, информираа денеска од кабинетот на градоначалникот Митко Јанчев.
Тие апартмани ќе бидат достапни за лица и семејства што ќе останат без кров над главата поради елементарни непогоди, семејно насилство и други слични проблеми.
- Завршен е проектот за реконструкција и пренамена на постојан објект на улицата ,,7 Септември" во Кавадарци. Намената на овој објект ќе биде од социјален карактер и истиот вклучува шест апартмани. Изведувач беше фирмата ,,Градба промет", соопштија од кабинетот на градоначалникот.
Вкупната вредност за реализација на овој проект изнесува 6.322,282,77 денари со вклучен ддв, од кои 3.376.361,00 денари се обезбедени од Биро за регионален развој и учество на Општина Кавадарци со износ од 2.945.921,77 денари. свд/
Фото : ФБ на Јанчев