Во Гостивар во август имало 2.360 новозаразени и 69 починати од Ковид -19
- Во четвртиот бран на пандемијата, најлоша состојбата била во август, оценуваат во гостиварската болница. Според евиденцијата на службите во најголемата здравствена установа болницата „Ферид М
![Во Гостивар во август имало 2.360 новозаразени и 69 починати од Ковид -19](https://mia.mk/index.php/images/20221108160914_big_730x400_14.webp )
Гостивар, 10 септември 2021 (МИА) - Во четвртиот бран на пандемијата, најлоша состојбата била во август, оценуваат во гостиварската болница. Според евиденцијата на службите во најголемата здравствена установа болницата „Ферид Мурад“, минатиот месец имало вкупно 2.360 новофинцирани, а најмногу во еден ден на лекување биле 120 пациенти. Регистрирани се и 69 лица починати од Ковид-19.
Првиот човек на гостиварската болница, Јакуп Јакупи, за МИА потврди дека, состојбата е значително сè подобра и притисокот на наплив на заболени е намален.
- Денес во одделенијата на лекување се 46 пациенти, од кои 30 се на кислородна поддршка и повеќето се со средно-тешка клиничка слика. Имаме доволен капацитетот за прием на уште 67 новозаболени, доколку се јави потреба. Една од причините за високата смртност е агресивноста на овој сој на вирус што циркулира во четвртиот бран, вели Јакупи.
Во август се забележани и 1.153 случаи на излекувани пациенти. Во изминатите 24 часа во болницата се регистрирани четири жртви од Ковид-19, три починале во гостиварската болница и една во Скопје. зм/ар/
![241668434_384472666667053_657245219273306286_n](/articles/images/vo-gostivar-vo-avgust-imalo-2-360-novozarazeni-i-69-pochinati-od-kovid/fWw8yjiXM/placeholder.webp?use_watermark=0)