Вилијан го напушти Фулам
- Бразилскиот интернационалец Вилијан го напушти Фулам по две години минати во премиерлигашкиот клуб, објави 36-годишниот фудбалер.
![Вилијан го напушти Фулам](https://mia.mk/index.php/images/20240816172820_big_730x400_54.webp )
Лондон, 16 август 2024 (МИА) - Бразилскиот интернационалец Вилијан го напушти Фулам по две години минати во премиерлигашкиот клуб, објави 36-годишниот фудбалер.
Поранешниот играч на Арсенал и Челси пред почетокот на минатата сезона потпиша едногодишно продолжување на договорот со Фулам, кое сега истече. Извештаите во британските медиуми го поврзуваат со преселба во Саудиска Арабија.
-Би сакал да му се заблагодарам на Фулам за прекрасните две години. Беше посебно да се вратам во Премиер лигата и да се биде дел од овој историски клуб и неверојатните навивачи. Имав неверојатни моменти и овој клуб секогаш ќе биде во моето срце, напиша Вилијан на Инстаграм.
Вилијан, кој игра како лево крило или офанзивен играч за врска, одигра 58 натпревари во Премиер лигата за време на неговиот престој во Фулам, постигнувајќи 9 гола.
Тој постигна гол во победата од 2-1 против неговиот поранешен клуб Челси во јануари 2023 година, помагајќи му на Фулам да ја освои првата лигашка победа над нивните ривали од западен Лондон по 17 години.
Фулам подоцна денеска ја отвори својата кампања во Премиер лигата со Манчестер Јунајтед. дс
Фото: Архива