Првото бебе во Гостивар е девојче, од Општината доби ваучер од 30.000 денари
Скопје, 1 јануари 2025 (МИА) - Ваучер од 30.000 денари за првото бебе родено во Гостивар беше доделен денеска, информираа попладнево од локалната самоуправа.
Градоначалникот на Општина Гостивар, Валбон Лимани, денеска го посетил Гинеколошкото одделение во Општата болница „Ферид Мурат“ за да упати честитки за првото бебе родено во 2025 година.
Првото бебе родено во Гостивар е девојче со тежина од 3,5 килограми, родило во 12:40 часот кое е во добра здравствена состојба.
- Денеска честитаме за првото бебе родено во Гостивар со еден скромен гест, ваучер во вредност од 30.000 денари. Бебето оваа година е девојче и се надевам дека оваа година ќе биде добра и ќе имаме што повеќе новороденчиња, изјавил Лимани. бд/бак/
Фото: Општина Гостивар
