Бугарскиот премиер поднесе оставка согласно минатогодишниот договор
- Бугарскиот премиер Николај Денков поднесе оставка и во согласност со договорот постигнат по минатогодишните избори, му го расчисти патот на неговиот коалициски партнер, централно-десничарската партија ГЕРБ, да ја води владата.
![Бугарскиот премиер поднесе оставка согласно минатогодишниот договор](https://mia.mk/index.php/images/20240305214744_big_730x400_53.webp )
Софија, 5 март 2024 (МИА) – Бугарскиот премиер Николај Денков поднесе оставка и во согласност со договорот постигнат по минатогодишните избори, му го расчисти патот на неговиот коалициски партнер, централно-десничарската партија ГЕРБ, да ја води владата.
Партијата ГЕРБ и прозападниот блок на кој припаѓа Денков минатата година потпишаа договор според кој министерката за надворешни работи и поранешна еврокомесарка Марија Габриел ќе ја преземе премиерската функција откако Денков ќе го заврши својот деветмесечен мандат.
БТА јави дека оставката на Денков ќе биде проследена до парламентот, но не прецизира кога Габриел ќе положи заклетва. јт/
Фото: МИА архива