Барселона, 25 март 2025 (МИА) - Раководството на Барселона има намера да му понуди на тренерот Ханси Флик продолжување на договорот за една година, пренесува шпанскиот весник „Спорт“.

Спортскиот директор Деко сака да избегне какви било шпекулации за иднината на експертот. Доколку се постигне договор, посветеноста на Флик кон каталонскиот гигант ќе трае до 2027 година.

Се очекува и поголема плата за германскиот тренер.

Иако нема големи сомнежи за исходот од преговорите, самиот Ханси Флик претпочита разговорите на оваа тема да се водат по завршувањето на сезоната.

Екипата на Барселона води во привремениот поредок во Примера со 60 бодови од 27 натпревари, а второпласираниот Реал Мадрид исто така има 60 бодови, но и натпревар повеќе. дс

Фото: Архива