Ankara, 2 dhjetor 2024 (MIA) – Turqia bëri thirrje për bisedime mes palëve luftarake pas ofensivës së suksesshme të kryengritësve islamikë në Siri, informon DPA. 

“Ngjarjet e fundit tregojnë se Qeveria siriane duhet të merret vesh me popullin dhe forcat opozitare”, deklaroi shefi i diplomacisë turke, Hakan Fidan, në konferencë për media në Ankara me homologun e tij iranian Abas Aragçi. 

Turqia ka për qëllim, potencoi Fidan, që refugjatët sirianë të cilët jetojnë në Turqi të shohë se si kthehen në Siri. 

Ministri bëri thirrje për ringjalljen e të ashtuquajturave bisedime nga Astana, në të cilat marrin pjesë Rusia, Irani dhe Turqia. 

Moska dhe Teherani e mbështesin presidentin sirian Bashar al-Asad në luftë, përderisa Ankaraja e mbështet Armatën Kombëtare Siriane, aleancë kryengritëse e cila përbëhet nga disa fraksione të cilat të dielën filluan ofensivë kundër milicisë kurdë JPG në veri të Sirisë. fc/

Fotografia: EPA