Uashington, 26 shkurt 2025 (MIA) - Shtëpia e Bardhë ua ka hequr gazetarëve të drejtën e tyre pothujase  shekullore për të vendosur se kush prej tyre do të raportojë për ngjarjet presidenciale, ndërsa presidenti Donald Tramp ka theksuar se tani ai vendos për qasjen e mediave.

Zëdhënësja e Trampit, Kerolin  Livit, në brifingun e sotëm paralajmëroi se Asociacioni i Pavarur i Korrespondentëve të Shtëpisë së Bardhë (WHCA) nuk do të ketë më "monopol" në përzgjedhjen e anëtarëve të "klubit të shtypit". 

 Është një grup i vogël i gazetarëve që mbulojnë presidentin amerikan në hapësira shpesh të ngushta si Zyra Ovale dhe Er Fors 1, ndërsa më pas ndajnë pamjet me organizata të tjera mediatike.

Ky vendim i papritur erdhi pasi Trampi e ndaloi Asoshieted pres të marrë pjesë në disa ngjarje të Shtëpisë së Bardhë, sepse agjencia përdori emrin Gjiri i Meksikës në vend të, siç e riemëroi Trampi, Gjiri i Amerikës. Nga ana tjetër, Trump e quajti AP-në "të tmerrshme" dhe "të majtë radikale". 

The rotation of pool reporters was previously determined by the White House Correspondents' Association (WHCA), which said the decision "tears at the independence of a free press".https://t.co/GhQG12pnFE

— The Legit Politics 🌻 (@thelegitpolitic) February 26, 2025

Liviti (27), zëdhënësja më e re e Shtëpisë së Bardhë, tha se WHCA "ka diktuar prej kohësh se cilët gazetarë lejohen t'i bëjnë pyetje Presidentit të Shteteve të Bashkuara në këtë hapësirë ​​më intime".

"Jo më. Jam krenare të njoftoj se do t'ia kthejmë pushtetin popullit. Departamenti i Komunikimit i Shtëpisë së Bardhë do të jetë përgjegjës për zgjedhjen e ekipit të shtypit", tha Liviti. 

 Deri më tani, të ashtuquajturat "Klubi i shtypit" në aeroplanin presidencial e përbënin 13 gazetarë, fotografë dhe reporterë televizivë dhe radiofonikë, ndërsa numri i tyre në Shtëpinë e Bardhë është disi më i madh.

Disa shtëpi gazetareske kanë pozicione të përhershme, ndërsa disa rotojnë.