Uashington, 17 gusht 2025 (MIA) - Derisa Presidenti ukrainas Volodimir Zelenski flet sot në Bruksel, Sekretari i Shtetit i ShBA-së Marko Rubio dha një intervistë në ShBA, në të cilën komentoi rezultatet e samitit të djeshëm midis Donald Trampit dhe Vladimir Putinit.

 Rubio, i cili mori pjesë në samit me Trampin, tha se si Rusia ashtu edhe Ukraina do të duhet të bëjnë lëshime nëse duan të arrijnë një marrëveshje paqeje.

 "Të dyja palët duan gjëra që nuk mund t'i marrin", tha Rubio, duke shtuar se "mund të mos jetë e mundur që ShBA të krijojnë një skenar që do t'i jepte fund luftës në Ukrainë".

 Megjithatë, ai theksoi se duhet të bisedohet për garancitë e sigurisë për Ukrainën, të cilat i sheh si një element kyç të çdo marrëveshjeje të mundshme.

 Ai shtoi edhe se administrata amerikane ka parë përparim të mjaftueshëm për të justifikuar vazhdimin e bisedimeve me Zelenskin.

 Foto: EPA