Shkup, 21 janar 2024 (MIA) - Nga Qendra për menaxhimin e krizave (QMK) informojnë se gjatë 24 orëve të kaluara, përveç borës dhe kohës së ftohtë, ka pasur edhe disa zjarre dhe një person ka humbur jetën.

Sipas të dhënave nga QMK Rajonale Kumanovë, zjarrfikësit e Njësitit territorial kundër zjarrit (NJTKZ) Rankovcë kanë intervenuar në një shtëpi të djegur në fshatin Otoshnicë rreth orës 04:20. Në zjarrin ka qenë edhe një person i vdekur.

"Për të mundësuar intervenim më të sigurt, rreth orës 04;45 është kërkuar edhe "EVN" ta ndërpresë rrymën në atë zonë. Për incidentin, përveç Ndihmës urgjente mjekësore, janë njoftuar edhe MPB dhe SPB Kumanovë", sqarohet në kumtesën e QMK-së.

Zjarrfikësit nga NJTKZ Kumanovë nga ora 04:25 deri në ora 05:45 me shtatë zjarrfikës dhe një automjet kanë intervenuar edhe në një shtëpi të djegur në rrugën “716” numër 9 në lagjen “Banovo Trlo”.

Për 24 orë kishte gjithsej 1.891 thirrje në numrin e vetëm për raste urgjente, prej të cilave 41,41 për qind ishin thirrje "reale". ndërsa 58,59 për qind për nevoja të tjera të qytetarëve, të cilat nuk kanë qenë urgjente.

Në polici janë bërë 55,03 për qind të thirrjeve reale, në Ndihmën urgjente mjekësore 30,47 për qind, te zjarrfikësit 0,89 për qind, ndërsa në LAMM 1,18 për qind të thirrjeve. ls/  

Foto: Arkivi i MIA-s