Një nxënës dhe drejtori i një shkolle të mesme në Athinë sulmohen nga një person me çekiç dhe thikë
- Me çekiç dhe thikë, një person 19-vjeçar ka hyrë në një shkollë të mesme në Athinë dhe e ka lënduar drejtorin dhe një nxënës, të cilët janë dërguar në spital, ndërsa autori u arrestua, njoftoi korrespondentja e MIA-s nga Athina.
- Post By Besnik Shuki
- 14:13, 26 mars, 2024
![Një nxënës dhe drejtori i një shkolle të mesme në Athinë sulmohen nga një person me çekiç dhe thikë](https://mia.mk/images/20240326141334_big_730x400_97.webp )
Athinë, 26 mars 2024 (MIA) - Me çekiç dhe thikë, një person 19-vjeçar ka hyrë në një shkollë të mesme në Athinë dhe e ka lënduar drejtorin dhe një nxënës, të cilët janë dërguar në spital, ndërsa autori u arrestua, njoftoi korrespondentja e MIA-s nga Athina.
Jozyrtarisht, sulmuesi herët në mëngjes ka hyrë në shkollë dhe me çekiç e ka sulmuar nxënësin, ndërsa menjëherë pastaj me thikë e ka sulmuar edhe drejtorin, ndërsa dy të lënduarit nuk janë në rrezik për jetë.
Sipas mediumeve greke, sulmuesi, me prejardhje nga Gjeorgjia e ka sulmuar nxënësin me prejardhje nga Nigeria, pasi ka qenë në konflikt me vëllaun e tij, ndërsa drejtori ka pësuar në tentim që ta pengojë sulmuesin. bsh/