Tiranë, 29 qershor 2024 (MIA) - Sipas rezultateve nga regjistrimi sa i përket përkatësisë religjioze në Shqipëri, nga 2.402.113 banorë të regjistruar në vend, 1.101.718 banorë kanë deklaruar se i takojnë besimit mysliman.

Të krishterë janë 384.833, prej tyre 201.530 persona i përkasin besimit katolik dhe 173.645 persona i përkasin besimit ortodoks.

Bashkësisë bektashiane i takojnë 115.644 persona, përderisa me bindje të tjera fetare janë 3.670 persona. 

Të dhënat tregojnë se 332.155 persona nuk cilësuan besimin e tyre fetar dhe 85.311 të tjerë u deklaruan ateist.

Opsionin"Preferoj të mos përgjigjem" e zgjodhën 244.331 persona, ndërsa për 134 451 persona nuk ka informacione, njoftoi agjencia shtetërore ATSH. fc/