Moskë, 1 prill 2025 (MIA) - Rusia seriozisht është duke i shqyrtuar propozimet amerikane për t'i dhënë fund luftës në Ukrainë, por dëshiron që Uashingtoni të marrë parasysh që Moska i sheh si shkaqet kryesore të konfliktit, tha sot një diplomat i lartë rus për mediat shtetërore.

 "Për momentin po bëhen përpjekje për të gjetur një skemë të caktuar që do të na lejojë fillimisht të arrijmë një ndërprerje të armiqësive, siç mendojnë amerikanët, ndërsa më pas të kalojmë në disa modele dhe skema të tjera, në të cilat, me sa mund të vlerësojnë, nuk ka vend për kërkesën tonë kryesore sot, përkatësisht zgjidhjen e problemeve që lidhen me shkaqet rrënjësore të këtij konflikti. Kjo mungon plotësisht dhe ne duhet ta zgjidhim këtë", tha zëvendësministri rus i Punëve të Jashtme Sergej Rjabkov në një intervistë për revistën "Interneshënël lajf".

 "Modelet dhe zgjidhjet e ofruara nga amerikanët i marrim shumë seriozisht, por gjithashtu nuk mund t'i pranojmë ato në formën e tyre aktuale. Kemi një grup të menduar thellësisht dhe tërësisht të prioriteteve dhe qasjeve tona ndaj temës, të cilat janë duke u përpunuar, përfshirë nga ekipi ynë negociator, gjatë negociatave të fundit me amerikanët në Riad", shtoi diplomati.

Foto: Arkivi i MIA-s