Moskë, 1 prill 2025 (MIA) - Zëvendësministri rus i Punëve të Jashtme, Sergej Rjabkov, deklaroi sot se Moska nuk beson në mundësinë e tërheqjes së SHBA-së nga NATO.

"Unë nuk mendoj se kjo do të ndodhë," tha Rjabkov në një intervistë me revistën "International Affairs".

Ai vlerësoi se administrata aktuale amerikane përdor "një sasi të caktuar bravure" në retorikën e saj.

"Mendoj se kjo është pjesë e strategjisë verbale për të inkurajuar 'kalin NATO'. Që SHBA-ja të ndahet nga Aleanca, do të duhej të ndodhte diçka që është krejtësisht e paimagjinueshme për mua. Unë nuk besoj në një skenar të tillë”, tha diplomati rus.

Deklarata e Rjabkov vjen pasi ish-ambasadori i SHBA-së në NATO, Ivo Dalder shprehu shqetësimin më 28 mars se administrata e presidentit amerikan Donald Tramp mund ta tërhiqte vendin nga Aleanca, pavarësisht një ndalimi të miratuar nga Kongresi në dhjetor 2023.

Dalder theksoi se, duke pasur parasysh qëndrimin kritik të Trampit ndaj detyrimeve të mbrojtjes kolektive, një zhvillim i tillë i ngjarjeve nuk mund të përjashtohet plotësisht. ls/

Foto: Arkiv