Shkup, 6 dhjetor 2024 (MIA) - Mjegull deri në 50 metra ka në vendkalimet malore Bukovë dhe Presekë, për shkak të së cilës dukshmëria është ulur , informon NP "Rrugët e Maqedonisë".

Qarkullimi në rrugët shtetërore po zhvillohet në kushte dimërore, nëpër rrugë kryesisht të lagështa. Të gjitha akset rrugore janë të kalueshme pa ndalesa dhe kufizime në qarkullim. Në disa akse rrugore të cilat kalojnë nëpër gryka malore është e mundur  rrëshqitje më të vogla. NP "Rrugët e Maqedonisë" apelon për menaxhim të kujdesshëm të automjeteve, respektim të sinjalistikës në komunikacion dhe përshtatje të shpejtësisë me kushtet e rrugës. 

"Ekipet kujdestare të NP "Rrugët e Maqedonisë" janë vazhdimisht në terren dhe i mbajnë të kalueshme të gjitha akset rrugore. Me të gjithë makineritë dhe fuqinë punëtore në dispozicion jemi të përfshirë në pastrimin e rrugëve pas reshjeve të dendura në rajonet perëndimore dhe lindore. Gjithashtu në dispozicion janë edhe firmat me të cilat bashkëpunojmë për përballje në kohë të rrëshqitjeve të borës", thekson ndërmarrja.

 Foto: Arkivi i MIA-s