Athinë, 27 shtator 2024 (MIA) - Ekzistojnë planprishës, të cilët nuk do të dëshironin asgjë më shumë nga ajo që të nxisin ndarje të reja në këtë kënd të ndjeshëm të Evropës. Koha është një frazë e njohur e Uinston Çerçilit se "Ballkani prodhon më shumë histori se që mund të konsumojë" njëherë e përgjithmonë ta lejmë në librat e historisë, porositi kryeministri grek Kirjakos Miciotakis në fjalimin e tij në Asamblejën e Përgjithshme të Kombeve të Bashkuara, duke vëzhguar në të ardhmen e Ballkanit Perëndimor, raporton korrespondenti i MIA-s nga Athina. 

Micotakis e përsëriti mbështetjen greke për perspektivën evropiane, por edhe theksoi se Marrëveshja e Prespës, Marrëveshja e Dejtonit dhe Marrëveshja Prishtinë - Beograd duhet të respektohen dhe të zbatohen. 

Ai tha se Greqia, si vendi-anëtarë më i vjetër i BE-së në rajon, çdoherë ka pasur vizion për Ballkanin Perëndimor të jetë pjesë e familjes evropiane, "vizion i cili do t'i ulë tensionet dhe konfliktet dhe do ta vendosë sundimin e ligjit dhe liritë themelore, duke inkurajuar zhvillimin dhe prosperitetin për kombet”.

Ai theksoi se "ka pasur përparim, por nuk ishte e mjaftueshme", ndërsa 21 vite sipas Axhendës së Selanikut "mbeten sfida të rëndësishme". 

"Më lejoni të jem shumë i sinqert: vendet e Ballkanit Perëndimor duhet të sjellin vendime definitive për ta lënë mbas vete trashëgiminë traumatike nga e kaluara. Edhe politikisht udhëheqësia e Ballkanit Perëndimor duhet, me vepra, të zgjedhë që ta pranojë të ardhmen e vet evropiane. Përmes përmirësimit të qeverisjes demokratike, duke konsoliduar shtetin e së drejtës dhe lirinë e shprehjes, duke zbatuar reforma të vështira të brendshme dhe një angazhim shumë të rëndësishëm për marrëdhënie të mira fqinjësore. Ringjallja e narrativave dhe axhendave nacionaliste nuk duhet të ndodh sot në rajonin që është në prag të anëtarësimit në BE. Të fillojmë nga punët bazë: marrëveshjet ndërkombëtare duhet të respektohen dhe zbatohen tërësisht dhe me vullnet të mirë, pa dallim nëse flasim për Dejtonin, ose për Prespën ose për marrëveshjen Prishtinë - Beograd", theksoi Micotakis. qa/

Foto: Kabineti i kryeministrit grek