Bruksel, 21 mars 2025 (MIA) - Është e vështirë të bëhet krahasimi i një vendi ose një tjetër kandidat për anëtarësim në BE, sepse zgjerimi është një proces i bazuar në merita, deklaroi zëdhënësi i Komisionit Evropian për Zgjerim, Partneritete Ndërkombëtare dhe Mesdheun, Gijom Mersie, duke komentuar deklaratën e presidentit lituanez Gitanas Nauseda  se Ukraina do të mund të bëhet anëtare e Unionit para vendeve të Ballkanit Perëndimor të cilat tashmë po negociojnë për anëtarësim.

 "Atë që po bën Komisioni është të sigurojmë që  mund të sigurojmë të gjithë mbështetjen teknike për vendet për të zbatuar reformat. Ne e bëjmë këtë me vendet e Ballkanit Perëndimor, me Ukrainën dhe me çdo vend tjetër të përfshirë në procesin e zgjerimit. Prandaj, afati nuk varet nga ne, por nga reformat", theksoi Mersier.

 Siç njoftoi korrespondenti i MIA-s nga Brukseli, Mersier shtoi se zgjerimi mbetet prioritet i Komisionit aktual Evropian, duke kujtuar se procesi i anëtarësimit të Ukrainës filloi në qershor të vitit 2024 dhe kjo paraqet një mirënjohje për vendosmërinë e  vendit për përparim në anëtarësimin në BE dhe në zbatimin e reformave transformuese përballë agresionit rus.

 "Nëse ekziston vullneti politik dhe nëse Ukraina vazhdon të përshpejtojë me reformat, do të  mund të anëtarësohet në BE në të ardhmen e afërt. Por, është e vështirë t'ju japë një datë", shtoi Mersie.

Foto: Arkivi i MIA-s