Bogota, 8 gusht 2023 (MIA) - Forcat kolumbiane të sigurisë kanë konfiskuar 1.100 tonë kokainë për 12 muaj, që paraqet një rekord të ri, deklaroi presidenti i vendit Gustavo Petro.

“Që nga fillimi i punës së kësaj qeverie kemi ndjekur hallkat kryesore të zinxhirit të trafikut të drogës, kemi sekuestruar 1.100 ton kokainë dhe kemi rritur numrin e laboratorëve të shkatërruar të drogës me 16 për qind në krahasim me periudhën e mëparshme”, tha presidenti në fjalimin me rastin e përvjetorit të parë të ardhjes në pushtet, kumtoi pres shërbimi i tij.

Sipas Petros, vetëm këtë vit forcat e rendit kanë sekuestruar 573 ton kokainë, që sipas tij është shifra më e lartë në histori për të njëjtën periudhë.

Ai theksoi se gjatë 12 muajve janë kryer 290 operacione kundër strukturave kriminale në territorin e shtetit ku janë arrestuar mbi 9 mijë persona.

Foto: EPA