Стразбур, 12 јануари 2026 (МИА) - Претседателката на Комитетот за одбрана на Европскиот парламент, Мари-Агнес Штрак-Цимерман, денеска ја повика Европската унија што поскоро да ја прогласи Револуционерната гарда на Иран за терористичка група.

„Иранската револуционерна гарда треба што поскоро да биде додадена на списокот на терористички организации. Сериозен пропуст е што ова сè уште не се случило“, објави Штрак-Цимерман на социјалната мрежа X.

Die Revolutiongarde des Iran gehört schnellstmöglich auf die Terrorliste der EU. Es ist ein großes Versäumnis, dass dies noch nicht geschehen ist. Entgegen bisheriger Behauptungen ist dies möglich, es liegt wahrlich genug vor.

— Marie-Agnes Strack-Zimmermann (@MAStrackZi) January 12, 2026

Европратеничката од редовите на германските либерали додаде дека тоа е можно „наспроти претходните тврдења“, и дека „сигурно има доволно докази за тоа“.

Според веб-страницата на Европскиот совет, на списокот на терористи од ЕУ се наоѓаат, меѓу другите организации, Исламската држава Ирак и Левант, Ал Каеда, Хамас и палестинскиот исламски Џихад.сд/ссм/

фото: ЕПА