Рим, 5 февруари 2025 (МИА) - Европската фудбалска асоцијација (УЕФА) го казни италијанскиот клуб Рома со делумно затворање на стадионот за натпреварот против Порто од плеј-офот од Лигата на Европа.

УЕФА ја казни Рома за однесувањето на навивачите за време на натпреварот против Ајнтрахт Франкфурт, кој Рома го доби со 2-0, во последното коло од првата фаза на Лига Европа.

Два дела од северната трибина на стадионот „Олимпико“ во Рим ќе бидат затворени за осминафиналето на Лигата на Европа против Порто, закажан за 20 февруари.

Дисциплинската комисија на УЕФА ја казни и Рома со 30.000 евра.

УЕФА го казни и Ајнтрахт (25.000 евра) поради нарушување на навивачите. Германскиот клуб доби забрана за продажба на билети за следниот натпревар на гостински терен.

Во одделни случаи, УЕФА го казни и холандскиот клуб Твенте со 35.000 евра поради однесување на навивачите. дс

Фото: Архива